Përpos shkaqeve që dha për largimin e Fatmir Xhafaj, deputetja socialiste Elisa Spiropali ktheu fokusin edhe tek Saimir Tahiri. E ftuar në “Kafe In” në “Intv”, ajo pohoi se Fatmir Xhafaj iku nga detyra e Ministrit të Brendshëm me nder.
https://tiranatoday.com/zbardhet-shkaqet-e-largimit-te-fatmir-xhafajt/
E pyetur për zgjedhjet e ardhshme, nisur nga fakti që opozita duket se nuk ka ndërmend të hyjë në zgjedhjet lokale të 2019-ës, duke kërkuar njëherazi zgjedhje të përgjithshme, Spiropali tha se kjo s’do ndodhë. Ajo ka kërkuar që opozita të rikthehet në Kuvend, dhe të bëhen gati për zgjedhjet.
“Ne nuk merremi me ëndrrat. Fakti është që këto ëndrra nuk do dalin. Zgjedhjet e ardhshme janë në 2021. Është mirë ti kthehen Kuvendit, të bëhen gati për zgjedhje, se do humbasin dhe zonat e tyre me këtë skemë”, tha deputetja e PS.
Xhafaj pse iku?
“Arsyet i dha. Iku me nder. Bëri një punë të mirë me rezultate të dukshme, është normale që vjen një kohë për zëvendësime. E vërteta është ajo që ka deklaruar z. Xhafaj”
A i takon Saimir Tahirit rikthimi, pas vendimit ardhur nga Italia? Ndoshta jo në postin e ministrit që ka qenë, por në PS.
“Nuk më takon mua ta vendos. Prokuroria dhe gjykata do vendosë. Nëse Tahirit i kanë rënë në qafë deri në këtë farë pike, atëherë i takon atij të vendosë çdo bëjë me karrierën e tij. S’më takon mua ta vendos për të”.
