Dy letër-porosi të reja janë dërguar nga prokuroria shqiptare drejt Italisë dhe Greqisë për lidhjet e ish-ministrit të Brendshëm Saimir Tahiri, me grupin e Habilajt dhe udhëtimet e mundshme që ka kryer në Greqi.
Ish-ministri i Brendshëm po hetohet për lidhjet e tij me grupin e trafikantëve të drogës Habilaj. Prokuroria shqiptare ka hedhur hapin tjetër të radhës duke kërkuar informacione të reja nga Greqia dhe Italia.
Për këtë arsye, ajo ka dërguar dy letër-porosi pas atyre që u nisën fill pas hetimeve të para.
Sipas burimeve nga prokuroria për News 24, mësohet se kërkesat për informacion ka të bëjë me detajet e tjera të mundshme mbi lidhjet e ish-ministrit të Brendshëm Saimir Tahiri me grupin e Habilajve, të njohur për trafikimin e drogës midis Shqipërisë dhe Italisë, të cilët gjithashtu vepronin duke pasur si mburojë ish-ministrin.
https://tiranatoday.com/dosja-tahirihabilajt-i-frikesohen-shefit-po-filloi-punen-asnje-mi-sngelet-perjashta/
Duke pasur njohur mbi lëvizjet e prokurorisë, Saimir Tahiri kërkoi që të fliste dje në Kuvend, por nuk u paraqit në seancën e radhës parlamentare, pasi ajo u kthye në një shesh-beteje mes mazhorancës dhe opozitës.
Me sa duket Tahiri ka dashur ta përdorë foltoren e Kuvendit si një kartë të fortë për të folur mbi hetimet dhe sulmet politike që janë kryer ndaj tij edhe pse për të është ngritur një komision hetimor nën drejtimin e opozitës.
