Lista e Partisë Socialiste e kandidatëve për deputetë ka surprizuar shumë njerëz. E ajo që të bie në sy, është edhe kandidatja që mban stafetën për sa i përket listës së PS-së në Tiranë.
Nëse prisnit që kjo listë të kryesohej nga Pandeli Majko, apo Saimir Tahiri, me siguri jeni zhgënjyer. Në fakt, ajo kryesohet nga Elona Gjebrea, e cila momentalisht mban postin e zv/ministres së Brendshme.
Elona Gjebrea, ka lindur në 18 maj 1968 në Tiranë dhe është e martuar.
Ajo është diplomuar në Biologji, Fakulteti i Shkencave të Natyrës, në Universitetin e Tiranës në vitin 1991 dhe është Doktore e Shkencave, që nga nëntori 2008, dhënë nga Universiteti i Worcester në bashkëpunim me Universitetin Conventry në Mbretërinë e Bashkuar.
Ajo mban gradën Master Shkencor, Tema në Aerobiologji, Fakulteti i Shkencave të Natyrës, Universiteti i Tiranës, 1999 – 2001.
Në maj 1992 dhe në vazhdim deri në 2002, Gjebrea ishte në pozicionin e Aerobioligjstes në klinikën e Alergollogjisë, pranë Qendrës Spitalore Universitare “ Nënë Tereza”
Në dhjetor 1995, ka kryer studim kërkimor në Aerobiologji, Muzeu Suedez i Historisë së Natyrës.
Nga maji 2000 deri në maj 2005, ishte lektore me kohë të pjesshme e Biologjisë, në Universitetin e Infermierisë.
Nga qershori 2004 dhe aktualisht është lektore e lëndëve të Shkencave të Natyrës, në Universitetin e Neë Yorkut në Tiranë.
Nga tetori 2005, ishte Drejtore Ekzekutive e “Qendrës Shqiptare për Popullsinë dhe Zhvillimin”, një organizatë anëtare e akredituar e IPPF.
Nga vitet 1997 deri në 2012, është anëtare e disa shoqatave ndërkombëtare.
Që prej 5 tetorit 2013, znj. Gjebrea është emëruar në pozicionin e zv/Ministres së Punëve të Brendshme dhe Kordinatore Kombëtare për Luftën Kundër Trafikimit të Qenieve Njerëzore.
Gjebrea ka marrë pjesë në shumë takime ndërkombëtare. Ajo është autore e disa konsulencave dhe studimeve-kërkimore.
