Ish ministri Saimir Tahiri ka depozituar një padi te Krimet e Rënda, dhe ankimon zgjatjen e hetimeve. Sipas Tahirit, zvarritja e hetimeve po bëhet me qëllim, dhe se po vonohet drejtësia. Dhjetë ditë më parë, Prokuroria e Krimeve të Rënda zgjati me 3 muaj të tjerë hetimet për ish-ministrin e Brendshëm.
Prokuroria njoftoi se shkak për shtyrjen e hetimeve u bë pritja për përgjigjen për ndihmë juridike nga Mali i Zi, dhe përkthimi i disa dokumenteve të marra nga Italia.
Referuar Prokurorisë për Krime të Rënda, ish-deputeti i Partisë Socialiste akuzohet për “Trafikim të lëndëve narkotike”, kryer në bashkëpunim, në kuadër të grupit të strukturuar kriminal dhe “Korrupsion pasiv i funksionarëve të lartë”.
