Këngëtari Gjeto Luca duket se ka korrur edhe më shumë sukses që prej bashkëpunimeve me Ingrit Gjonin. I ftuar në emisionin “Vizioni i Pasdites”, ai ka folur për marrëdhënien me këtë të fundit.
Gjeto ka treguar se janë njohur rastësisht, dhe që nga ai moment këngëtarja nuk i është ndarë. Ingriti kishte shkuar një herë në një dasmë, dhe po e dëgjonte me këngën ‘Tre mijë vjet me jetu’. Nga ajo kohë, nuk kanë reshtur tetefonatat.
“S’më ka shkuar mendja ndonjëherë në jetë, sepse ishte krejt rrymë tjetër. Kishte ardhur një herë në një dasmë në ishull, dhe po më dëgjonte live me këngën ‘Tre mijë vjet me jetu’. Erdhi aty e dëgjoi live, dhe pastaj s’mu nda me telefonata, derisa i gjeti edhe numrin gruas time. Rastësisht në Tiranë po ndihmoja dikë te spitali, dhe më thotë sa mendjemadh je o burr, hajde dëgjoje një herë materialin!”, u shpreh Gjeto.
Më tej, ai ka deklaruar se Ingriti është punëtore e madhe, dhe kur bëhet fjalë tek puna, ia nxin jetën. Sipas tij, të dy e kompletojnë njëri-tjetrin.
‘Të dy e kompletojmë njëri-tjetrin. Ingriti është e fortë në klipe, punëtore e madhe nuk fle, ta nxin jetën me atë dreq telefoni një milion herë kur ka një klip, ose kur ka një këngë. Nuk e lë punën, është korrekte nëpër koncerte e dasma. Kam filluar ta marrë edhe nëpër dasma tani, 90% të koncerteve i bëjmë bashkë’, përfundoi Gjeto Luca.
