Psikologia Elona Meçani, e cila u shfaq në videon e fshehtë të emisionit “Stop”, është pedagoge e jashtme në Universitetin e Tiranës. Ajo është arrestuar nga ana e policisë, ndërkohë që Urdhëri i Psikologut do të mblidhet, dhe do të marrë një masë kundër saj, që shkon deri në heqje të licencës.
“Stop” transmetoi skandalin e gjyqtarit të Gjykatës së Fierit, Roland Hysi, dhe psikologes Elona Meçani. Gjatë emisionit u shfaqën detaje “pikante” të kërkesave të gjyqtarit Hysi, për raport seksual me gruan, që kishte çështje me të dhe kërkonte thjesht kujdestarinë e vajzës së saj.
Një ditë pasi emisioni “Stop” denoncoi skandalin me zë dhe me figurë, policia arrestoi pasditen e kësaj të mërkure gjyqtarin e Gjykatës së Fierit, Roland Hysi, si dhe psikologen po pranë kësaj gjykate, Elona Meçani.
