Swansea viktima e radhës, “The Reds” të pangopur (Video)

Swansea ka qenë viktima e radhës e Liverpool, i cili po kalon një formë mjaft të mirë në javët e fundit. Të besuarit e Jurgen Klopp nuk i kanë kursyer golat në Boxing Day duke gjetur rrjetën plot pesë herë gjatë fitores 5-0 ndaj ekipit më në krizë të Premier League.

“The Reds” janë treguar të pangopur përballë një ekipi që vjen nga probleme të mëdha, e cila momentalisht është pa trajnerë pas shkarkimit të Paul Clement disa ditë më parë. Për momentin në stol është Bitton, një ish-lojtar dhe legjendë e klubit. Ndeshja filloi me një super gol nga distanca nga Coutinho, më pas çdo gjë rrodhi natyrshëm.

Megjithëse pjesa e parë nuk pati gola të tjerë, rastet ishin të shumta, ndërsa Swansea rrallëherë kaloi vijën e mesit të fushës. Pas pushimit shpërthen Firmino, Alexander-Arnold dhe Oxlade-Chamberlain në fund të takimit. Me këtë fitore Liverpool ngjitet në vend të katërt të renditjes ndërsa Swansea është katapultuar në fund të renditjes me 13 pikë.