31 korriku do të jetë një ditë e madhe për Cardiff-in dhe gjithë adhuruesit boksit në botë, pasi do të zhvillohet super-meçi i peshave të rënda mes Joshua dhe Parker. Anglezi dhe neo-zelandezi do të bëjnë një përballje për të unifikuar titujt kampion bote, një nismë e marrë nga Anthony Joshua për tu kthyer në një legjendë të këtij sporti. Në rast se Joshua mposht Parkerin atëherë mbetet edhe një duel për tu zhvilluar, me amerikanin e “rrezikshëm” Deonaty Wilder.
“Unë mund ta godas dhe ta hedh atë në tapet. Fjalët nuk mund ta shpjegojnë se si ndihem dhe se mezi e pres këtë sfidë. Ne do të duelojmë në shtëpinë e tij, do të përballem me një tjetër boksier kampion bote, që është i pamposhtur. Kjo do ta bëjë këtë përballje mes nesh mjaft të madhe”, u shpreh boksieri nga Zelanda e Re, Joseph Parker, që do të përballet me Anthony Joshua më 31 korrik në Kardif, përballë 80 mijë shikuesve. “Shumë njerëz besojnë se do të kem frikë dhe do të jem nervoz, por unë e shoh këtë përballje në një këndvështrim tjetër. Për mua kjo përballje është një shans i artë, që nuk dua ta humbas dhe ku do të tregoj aftësitë e mia”, tha Parker.
I bindur në suksesin e Parker është i bindur edhe trajneri i tij Kevin Barry, që shprehet se kjo do të jetë një përballje e madhe, pasi do të duelojnë dy boksierë kampionë bote, që do të vënë në ring shumë rekorde. “Nuk ka rëndësi nëse do të jenë 800 mijë apo 80 mijë njerëz në stadium. Në fund ata do të mbesin të habitur nga Parker. Joseph do ta fitojë duelin falë aftësive të tij, është i shpejtë në lëvizjet e tij. Ka aftësi të mëdha dhe do t’i shihni të gjithë, edhe Joshua do ta shohë se me kë do të përballet, do t’i ketë frikë grushtet e Parker”, u shpreh Barry, që është i bindur se “nxënësi” i tij do të largohet nga ringu më ët gjithë gjerdanët e peshave të rënda në boks.
