Keni bërë plane për nesër, por ende nuk dini sa do shkojnë temperaturat? Orët e paradites do të dominohen nga kthjellime dhe vranësira të shpeshta. Në mesditë fuqizohen duke sjellë shira të përkohshëm në veri dhe zonat veriperëndimore.
Pjesa e dytë e ditës vijon me kthjellime dhe vranësira të shpeshta në qender dhe zonat jugore, duke lënë me vranësira dhe shira te përkohshëm veriun dhe zonat veriperëndimore.
Sipas Meteoalb, temperaturat e ajrit rriten sërisht gjatë mëngjesit, por një tjetër rritje me 1 – 2°C pritet në orët mesditës, duke ngjitur maksimumin në 27°C.
Era do të fryjë mesatare në tokë dhe deri e fortë në det. Duke arritur shpejtësinë maksimale 45 km/h nga drejtimi Veriperëndimor, për pasojë në det gjenerohet dallgëzim 3 – 4 ballë.
