Stilisti i njohur Alessandro Michele i brand-it Gucci, në javën e modës së Milanos, ka sjellë një shfaqje plot harmoni e ngjyra me koleksionin e pranverës. Kjo shfaqje përfshinte një miks kulturash indiane, aziatike dhe egjiptiane, të cilat së bashku të krijonin idenë se eventi po mbahej në një vend të lashtë. Ambienti përreth ishte dekoruar me statuja antike romake e greke.
108 krijime u prezantuan në pasarelë nga modele të famshme, ku ishin përzier kultura, stili dhe periudha të ndryshme historike dhe materialet me shkëlqim si në vitet ‘70. Në koleksionin për meshkuj binin në sy krijimet me elementë të personazheve të animuar.
