Surprizon Balotelli, futet në histori si Baggio, Davids dhe Ibrahimoviç

Mario Balotelli gjithmonë ka qenë në qendër të vëmendjes, si në formë të mirë dhe në të dobët. Por tani bombën e hedhe britanikja “The Sun”, ku shkruan se sulmuesi i Nice ka arritur akord me Juventusin që verën e ardhshme tu bashkohet atyre në Torino.

Ata kanë shkuar dhe më tej, ku flitet që “Zonja e Vjetër” tashmë e ka hartuar kontratën 5 vjeçare për sulmuesin 27-vjeçar, pasi ky i fundit do të largohet me parametra zero nga ekipi francez.  Sipas ‘The Sun’, meritën për mbylljen me sukses të këtij operacioni e ka pikërisht agjenti i Balotellit, Mino Raiola, që ka raporte shumë të mira me drejtuesit e Juventusit.

Tek Nice, sulmuesi italian ka rilindur dhe javë pas jave po tregon potencialin që ka në këmbë, por lajmi më i mirë është se nuk është i përfshirë në skandale që deri sot kanë rrënuar karrierën e tij. Juventus do të jetë shansi i tij i fundit për të për të bërë shpërthimin e shumëpritur në karrierën e tij dhe që mund ta ndihmojë të kthehet në Kombëtaren Italiane.

Nëse ajo që publikon ‘The Sun’ do të rezultojë e vërtetë, Balotelli do të bëhet futbollisti i 12 në historinë e futbollit italian që vesh fanellën e Interit, Milanit e Juventusit. Më parë këtë e kanë për emra të tillë si Giuseppe Meazza, Aldo Serena, Roberto Baggio, Edgar Davids, Ibrahimovic apo Andrea Pirlo.