Ditët me diell tashmë duket se mbeten kujtim i një verë që duket se zgjati shume. Meteoalb parashikon se e marta do te vijoje të jetë një ditë me vranësira dhe kryesisht me reshje. Por çfarë do të ndodhë me motin në ditët në vijim?
Parashikimi për sot
Orët e paradites dominohen nga kthjellime dhe vranësira të shpeshta në bregdet dhe zonat e ulëta, por vranësira të dendura dhe shira të izoluar paraqiten në ekstremet verior-jugor. Në lartësinë mbi 1400 metra do të shfaqen reshje të pakta dëbore. Pasditja dhe mbrëmja dominohen nga alternime kthjellimesh dhe vranësirash në të gjithë vendin.
Sipas MeteoAlb, temperaturat e ajrit mbeten në vlera konstante të mëngjes dhe mesditë duke variuar nga 4 deri në 22 gradë Celcius. Era do fryjë mesatarisht me shpejtësi mbi 35 km/h nga drejtimi verior-veriperëndimor duke krijuar në det dallgëzim deri 2-3 ballë.
Ditët në vijim
Sipas Meteoalb, shirat mbeten prezent n orët e para te se martës, kryesisht ne Jugperëndim te vendit si dhe në zonën Krujë – Tiranë– Durrës.
Ndërsa nesër pas orës 10 pritet përmirësim i dukshëm i motit në të gjithë territorin. Kthjellimet vijojnë deri të premten që vjen.
Temperaturat e ajrit vijojnë me rënie të lehta të martën, por rritje me 2 grade C sjell e mërkura ndërsa rënie të ndjeshme risjell dita e enjte.
