Në ditën e tretë të protestës, studentëve të universiteteve publike i janë bashkuar edhe studentë të universiteteve private, duke u solidarizuar me kauzën e këtyre të parëve.
Kështu, studentë të privatit kanë braktisur mësimin dhe u janë bashkuar studentëve që po protestojnë para godinës së Ministrisë së Arsimit dhe Sporteve.
«Ne si universitet jo publik u solidarizuam dhe dolëm të gjithë në protestë! I bëjmë thirrje të gjitha universiteteve publike dhe jo publike t’i bashkohen kësaj kauze. Studentët për studentët!”, shkruan një student për JOQ.
Sot është dita e tretë e protestës së studentëve, të cilët arritën një nga pikat e kërkuara: heqjen e tarifës për provimet e mbetura. Tashmë, studentët kërkojnë përgjysmimin e tarifave të arsimit si dhe përmirësim të kushteve në konvikte.
Aktualisht, studentët e Elbasanit i janë bashkuar protestës së studentëve në Tiranë.
