Kapiteni i Kombëtares Shqiptare të Futbollit, Elseid Hysaj ka deklaruar se në sfidën ndaj Francës që do të zhvillohet ditën e nesërme nuk do të jetë e njëjta qasje si në ndeshjen e kaluar, me Andorrën.
Në një konferencë për mediat shqiptare dhe ato franceze, mbrojtësi i Napolit e konsideron një përballje të vështirë atë të ditës së nesërme, për shkak të kampionëve të shumtë të aktivizuar me Francën.
“Besoj që ne do të hyjmë sikur në ndeshjet e kaluara, jo si me Andorrën, pasi në këtë ndeshje duhet të ishim më të egër në fushë. Ne e kemi kuptuar këtë gabim dhe do të hyjmë më një mentalitet tjetër”.
“Do të jetë ndeshje me e vështirë, pasi Franca ka shumë kampionë si Grizmann, Mbappe. Kanë krijuar një grup më të mirë se në kualifikimet e kaluara. Ato kualifikuese kemi luajtur me zemër se sa me skema. Tashmë duhet të bëjmë një ndeshje siç bëmë me Turqinë”, theksoi Hysaj.
Po ashtu, ai kërkoi mbështetjen e tifozëve kuqezi në këtë sfidë. Sa i përket stadiumit të ri, Hysaj u shpreh që: “Do të jetë një ndeshje e veçantë. Këtë stadium nuk e kemi pasur as në ëndërr”.
