Ryan Reynolds këmbëngul se nuk ka motive të caktuara propagandistike pas personazhit të tij ironik Michael Bryce, i cili është në terapi në filmin e ri “Truproja i Gruas së Hitmanit”. Sidomos, aktori thotë se filmi nuk i përgjigjet kritikave kulturore nga senatori i Teksasit Ted Cruz, i cili kohët e fundit u ankua se nuk na duhet një “James Bond ose Jason Bourne që ka çrregullime ankthi”.
“Nuk mendoj se është e rëndësishme për heronjtë e aksionit. Ajo nuk është jeta e vërtetë. Do të ishte pak budallallëk ta fusje në film (një superhero që ka probleme me ankthin apo depresionin), përveç nëse do të kishte kuptim”, u shpreh Reynolds.
Aktori i ‘Deadpool’, megjithatë, dëshiron të vazhdojë destigmatizimin e diskutimit publik mbi shëndetin mendor “në jetën reale”, siç u shpreh kohët e fundit në një postim të sinqertë dhe shumë të përfolur në Instagram, në të cilin ai u i’u hap publikut mbi betejat e tij me “shoqëruesin e tij prej kohësh, ankthin.” “Për të gjithë ata si unë që planifikojnë shumë, mendojnë shumë, punojnë shumë, shqetësohen shumë dhe gjithçka tjetër, ta dini që nuk jeni vetëm,” shkroi ai teksa u mbyll muaji maj, muaji i ndërgjegjësimit mbi shëndetin mendor./ TIRANA TODAY
