Aksioni për kapjen se kokainës me vlere 180 milionë euro ne Durrës ka sjelle një ‘përplasje’ mes ministrit te Brendshëm, Xhafaj dhe kryeministrit Rama.
Ndërkohe që ministri i Punëve të Brendshme, Fatmir Xhafaj në reagimin e tij të parë pas kapjes së sasisë prej 613 kg kokaine në Durrës, ka deklaruar se ishte “Një superaksion i Policisë së Shtetit në bashkëpunim me agjencitë e tjera ligjzbatuese vendase dhe të huaja”, ndryshe ka thëne kryeministri Rama.
Ky i fundit, në reagimin e tij të pare pas operacionit ka theksuar se aksioni i bërë tërësisht në territorin e vendit, është bërë nga policia jonë, pa asnjë sinjalizim nga te huajt.
“Edhe fakti që ky operacion është zhvilluar i gjithi në territorin e vendit, pa asnjë sinjalizim nga vendet evropiane ku ngarkesa ka udhëtuar përpara se sa të hynte në portin e Durrësit, ka domethënien e rëndësishme të forcës ligjzbatuese që disponojmë sot, duke nisur nga pikat doganore”- ka thënë Rama.
