“Football Leaks” ka zbuluar një super-skandal të regjistruar në futboll i cili është fshehur nga UEFA. Sergio Ramos ka rezultuar dy herë në përdorimin e doping, por është falur dhe është fshehur si lajm. “Der Spiegel” publikoi lajmin duke shpjeguar se këto janë dy rastet e mundshme në të cilat kapiteni i Real Madridit ka shmangur rregullat.
Kapiteni ka dalë pozitiv në finalen e vitit 2017 në Champions League, në të cilin Real Madrid mundi Juventusin. UEFA ka arkivuar rastin. Ramos gjithashtu ka shkelur protokollin anti doping pas një ndeshje në La Liga në Malaga në prill 2018. Qendërmbrojtësi ka rezultuar pozitiv në medikamente që janë të ndaluar në sport.
Testet kanë treguar se në gjakun e tij ka patur injeksione të dexamethasone, të cilat atij i janë injektuar në gju dhe në shpatull një ditë para finales së Champions-it. Sipas “Football Leaks”, e cila zbulon numrin e mostrës së marrë nga lojtari i Real Madridit në një laborator në Seibersdorf, Austri, 3324822.
Çfarë është substanca Dexamethasone?
Dexamethasone është një përgatitje kortizon dhe ka efekt anti-flamator, substancë që është e përfshirë në listën e Substancave të Ndaluara nga WADA (Agjencia Botërore e Anti Doping).
Menjëherë sapo ka dalë përgjigja e testeve të dërguara në Austri, më 5 korrik laboratori i dërgoi këtë informacion UEFA-s. Një anëtar i njësisë anti-doping kontaktoi Sergio Ramos për sqarime dhe me 10 korrik lojtari iu ktheu përgjigje me katër rreshta. Ai shkroi se mjeku i Real Madrid e kishte kuruar atë një ditë para finales kundër Juventus duke i bashkangjitur raportin mjekësor të klubit, “ Shpresoj që kjo të sqarojë plotësisht situatë”, shkroi në fund spanjolli.
“Der Spiegel” sqaron se përdorimi i një substance të tillë lejohet të përdoret por në çdo rast është e detyrueshme që mjeku i klubit ta raportojë këtë në administratë para se të kryhet testi anti-doping. Mirëpo mjeku i Real Madrid nuk e bëri një gjë të tillë dhe gjurmët e substancës së gjetur në gjak konsiderohet një rast i dyshimtë dopingu.
Hapi i ardhshëm i detyrueshëm është fillimi i një hetimi. Dhe ky është problemi sipas gazetës gjermane sepse në formën e bashkangjitur si mostër nuk u përmend fare se është gjetur substanca në fjalë. Madje testi tregoi se është përdorur edhe substanca e quajtur Chronodose, e cila gjithashtu është e ndaluar nga WADA.
Sipas raportit të UEFA-s, Ramos ishte shoqëruar për të kryer testin anti doping dhe mjeku që ka kryer testin e ka firmosur. Sipas mjekut, ai e ka injektuar gabimisht substancën në shpatull dhe gju për shkak të emocioneve të larta pas fitimit të titullit. “Ishte një gabim njerëzor”, shkroi doktori në raport dhe versioni i mjekut duket se e ka bindur UEFA-n, të cilët e mbyllën çështjen, duke iu tërhequr vërejtje që në rastet e tjera duhet të jenë jashtëzakonisht të kujdesshëm.
