Sulmuesi i kombëtares shqiptare, Florian Kamberi, mund t’i bashkohet zyrtarisht me Aberdeen.
Sipas raportimit të gazetarit skocez, Anthony Joseph, Kamberit i është dhënë leja e punës në Mbretërinë e Bashkuar dhe si rrjedhojë do të mund të luajë për ekipin e tij të ri.
Madje, Kamberi mund të stërvitet dhe do të jetë i disponueshëm për Aberdeen që nga dita e nesërme.
Shqiptari është aktualisht pjesë e St Gallen në Zvicër, ku ka luajtur në tetë ndeshje këtë sezon në kampionat.
Floriani është huazuar në klubin skocez deri në fundin e sezonit dhe pritet që të ribashkohet sërish me zvicerianët në verë.
