Sulmoi qeverinë turke, breshëri plumbash ndaj futbollistit kurd

Futbollistit kurd Deniz Naki, i është organizuar një atentat në perëndim të Gjermanisë. Ai Në të shkuarën ka dalë hapur në mbrojtje të kurdëve, duke sulmuar qeverinë turke, ndaj sulmi ndaj tij mund të jetë me prapaskenë politike. Naki tha për gjermanen Die Welt se ishte duke udhëtuar në autostradë të dielën, kur dëgjoi krisma nga një makinë e zezë në korsinë ngjitur, por për fat asnjë plumb nuk e goditi.

28 vjeçari ka lindur në Gjermani dhe ka luajtur për shumë vite aty, duke luajtur në Bundesligën 2 me Alein, Sant Paulin dhe Paderbornin. Aktualisht luan për Amed SK, klub nga Dijarbakëri (kategoria e tretë, sepse ka disa vite që klubet e kategorive më lart kanë frikë ta marrin në ekip), është bërë i famshëm kohët e fundit për faktin se ka folur kundër qeverisë turke dhe kjo e bën të ndihet i pasigurt për jetën e vet.