Rezultati i zgjedhjeve në Kosovë përbën interes për mijëra qytetarë, por ndërkohë aksesi për marrjen e informacioneve të sakta është i pamundur.
Kështu, prej disa orësh faqja zyrtare e Komisionit Qendror të Zgjedhjeve në Kosovë është hackuar. Kushdo që klikon kqz-ks.org e ka të pamundur të aksesojë, si rrjedhojë nuk mund të njihet me rezultatet e deritanishme të zgjedhjeve.
Lidhur me sulmin e KQZ-së, ka reaguar Anonymous Albania, e cila bën me dije se ky sulm është bërë nga rusët, duke fajësuar edhe qeverinë e Kosovës që nuk i ka siguruar uebsajtet.
“Sa i përket sulmit të faqes kryesore të kqz-ks.org , kemi arritur të marrim disa informata që kanë lidhje me Rusinë. Hackera rusë kanë sulmuar webin e KQZ. Dhe këtu e ka fajin qeveria e korruptuar, e cila nuk i siguron siç duhet uebsajtet. Ne kemi arritur ta çlirojmë webin nga sulmet e vazhdueshme të hackerave rusë, gjithashtu po arrijmë ta mbajmë nën kontrollin tonë dhe të siguruar”, shkruan Anonymous.
