Shtëpitë e dy pjesëtarëve të Forcave të Sigurisë së Kosovës të komunitetit serb, në Zubin Potok kanë rënë pre e një sulmi me mjete shpërthyese.
Pas ngjarjes ka reaguar kryeministri i Kosovës, Ramush Harainaj, i cili e dënon sulmin në fjalë dhe e quan një akt të papranueshëm.
Po ashtu, Haradinaj tha se ky sulm që cenon jetë njerëzish dhe synon të pengojë përpjekjet për ndërtimin e një shoqërie demokratike e gjithëpërfshirëse dhe të mbajë në tension qytetarët e vendit.
Më tej, kryeministri i Kosovës kërkon nga organet e rendit nëpërmjet një reagimi që të kapin sa më shpejt dhe të nxjerrin para drejtësisë autorët e sulmit, ndërkohë që iu bën thirrje edhe qytetarëve të ndihmojnë autoritetet në zbardhjen e këtij akti kriminal.
