Katër turiste amerikane janë sulmuar sot me acid në stacionin kryesor të trenit në Marsejë. Të sulmuarat, rreth 20-vjeçe, u spërkatën me acid klorhidrik. Dy prej turisteve kanë pësuar djegie në fytyrë.
Sulmi ndodhi jashtë stacionit Saint Charles pas orës 11 të mëngjesit. Mediet e huaja shkruajnë se sulmi ndodhi nga një person i panjohur për vajzat e sulmuara, të cilat po udhëtonin si një grup në Paris.
Dy vajzat e mbuluara me acid në fytyrë janë të moshës 20 dhe 21 vjeçe. Sulmi nuk mendohet se është terrorist, ndërsa një 41-vjeçar u arrestua nga policia si autor i ngjarjes.
