Kujtim Fejzullahu, me origjinë shqiptare, është një nga agresorët e sulmit në Vjenë të Austrisë. Nga të shtënat me armë humbën jetën 4 persona, dhe u plagosën 14 të tjerë.
Fejzullahu, i cili u ekzekutua nga policia, ka qenë futbollist i talentuar gjatë adoleshencës së tij në qytetin Mödling.
Këtu dyshohet se ai ka rënë në kontakt me persona të tjerë, ekstremistë, disa prej të cilëve të dënuar më parë për terrorizëm.
Fejzullahu ka qenë i njohur për radikalizmin e tij prej vitesh, ndërsa shkonte rregullisht në xhami. Deri më tani janë 12 persona të dyshuar, të moshës 16 deri në 25-vjeç, me origjinë nga Kosova, Bangladeshi e Çeçenia.
Historiku
Në mes të korrikut, 20-vjeçari kishte udhëtuar drejt Sllovakisë me një mik, ku kishte marrë municione për pushkën e tij AK47 (kallashnikov).
Ata udhëtuan me një automjet që i përkiste nënës së njërit prej kontakteve të shumta të dyshuara të të riut, një kosovar, i njohur gjithashtu për radikalizmin e tij.
Gjatë sulmit, 20-vjeçari me origjinë shqiptare thuhet se ka ecur nëpër qytetin e Vjenës i armatosur me një AK-47, një pistoletë dhe një hanxhar.
12 të dyshuar nga 16 në 25-vjeç, me origjinë nga Kosova e Çeçenia
Për sulmin terrorist në Vjenë janë 12 të dyshuar. Të dyshuarit raportohet të jenë mes 16 dhe 25 vjeç dhe të gjithë kanë lindur në Vjenë, Kosovë, Bangladesh, Shën Pölten, Çeçeni dhe Mödling.
Prej tyre, 10 jetojnë në Vjenë dhe 2 në Shën Pölten. Terroristi i cili u ekzekutua është identifikuar si Kujtim Fejzullahu, i cili kishte nënshtetësi austriake dhe maqedonase.
