Pesë persona u vranë dhe katër të tjerë u plagosën dje në Dagestan të Rusisë, pas një sulmi me armë zjarri të kryer në hyrje të një kishe.
Autori qëlloi mbi turmën e njerëzve në qytetin Kizlyar, kur ata po ktheheshin nga një shërbesë kishtare të festës popullore ruse.
RT ka publikuar pamjet e kamerave të sigurisë në zonë, në momentin kur i riu shfaqet me armë gjahu në dorë. Ai kalon rrugën, para se të nisë të qëllojë besimtarët dhe më pas i sulmon ata në hyrje të kishës.
22-vjeçari i identifikuar si Khalil Khalilov qëllon për vdekje dy gra në mes të ditës, ndërsa një tjetër që dëgjon krismat largohet me shpejtësi. Ato po dilnin nga një kishë në qytetin e Kizlyarit në Republikën e Dagestanit.
