Pronari i një restoranti ka dëshmuar për Huffington Post se si stafi i tij ndihmoi të paktën 130 persona gjatë sulmit të së shtunës në Urën e Londrës.
Mark Stembridge tregoi se si stafi i tij, tre prej të cilëve ish-ushtarakë shqiptarë, ndihmuan klientët duke i futur brenda dyqanit nga ballkoni, pasi panë tre burra që qëllonin njerëzit me armë.
Pronari i restorantit vlerëson ndihmën e dhënë nga ish-ushtarakët shqiptarë, ndihma e të cilëve kontribuoi që situata të mos ishte edhe më fatale.
“Një kamion kishte përplasur turmën, por ne nuk dëgjuam gjë. Më pas ishin tre djem që mbanin armë dhe ne falë stafit tonë, sidomos tre ish-ushtarakëve shqiptarë, e menaxhuam situatën, pasi ata ishin të mësuar dhe më të qetë. Kishim rreth 130 persona jashtë në tavolina, ndërsa stafi ynë i futi brenda nga ballkoni. Tre djemtë (terroristët) po bërtisnin, nuk e di çfarë po thonin, por pashë që hezituan kur ne u organizuam, më pas ikën drejt një ndërtese tjetër”, tha ndër të tjera pronari.
Më pas ai vazhdon rrëfimin e tij, teksa dëshmon se policët kanë shkuar në restorant dhe u kanë mësuar punonjësve se si duhet reaguar në sulme terroriste, reagim i cili ishte veprim i njëjti me atë që kishin bërë ish-ushtarakët shqipatarë.
Nga sulmi në Londër humbën jetën 7 persona dhe të paktën 48 të tjerë u plagosën, përgjegjësinë e të cilit e mori Shtetit Islamik.
https://youtu.be/UTcG6yUbPrM
