Theresa May pritet të akuzojë Rusinë për sulmin me “agjent nervor” në të cilin u helmua ish-spiuni rus dhe pritet gjithashtu vendosja e një pakete sanksionesh të ashpra ndaj Putinit.
Kryeministrja e Britanisë pritet ta drejtojë gishtin nga Kremlini për helmimin që iu bë Sergei Skripal dhe vajzës së tij. Në takimin që do të mbahet me Këshillin e Sigurisë Kombëtare, ajo do të informohet për tentativën për vrasje që iu bë ish-spiunit rus.
Policia britanike dhe agjentët e zbulimit kundër terrorizmit po përgatiten të paraqesin dëshmi se ishte Moska ajo që urdhëroi të qëllohej një javë më parë, këtu do të përfshihet dhe dëshmia se u përdor “agjenti neurotoksik” për të helmuar ish-spiunin dhe të bijën, i cili ishte pregatitur në një laborator rus.
Tom Tugendhat, kryetar i Komitetit të Punëve të Jashtme të Dhomës së Përfaqësuesve, tha se do të ishte “i befasuar” nëse May nuk do e fajësoi Kremlinin drejtpërdrejt.
“Ne presim që Kryeministrja të bëjë një njoftim së shpejti, dhe sinqerisht do të isha i befasuar nëse ajo nuk do ta drejtoi gishtin nga Kremlin”, tha ai për BBC sot.
“Prandaj është e qartë se qeveria ruse sillet në mënyrë agresive ndaj njerëzve në Mbretërinë e Bashkuar “.
Thuhet se tre ministra po e shtyjnë kryeministren të përgjigjet me “masa të ashpra” pasi përgjigja e Britanisë për vrasjen e Aleksandër Litvinenkos në 2006 nuk ishte e mjaftueshme.
Ministrat, shefat e inteligjencës, policia dhe shefi i ushtrisë, sot do të mbajnë bisedime mbi progresin e bërë në hetim e deri tanishëm për sulmin.
Shkencëtarët ushtarakë në Njësinë kërkimore të Porton Down priten që të deklarojnë se toksina e rrallë e nervave është shpikur në një laborator të Moskës.
Kryeministrja pritet të kërkojë këshillën e zyrtarëve të Ministrisë së Punëve të Jashtme dhe të Uashingtonit Sir Stuart Peach për përgjigjen e duhur, nëse dëshmitë tregojnë se janë të sakta dhe përfundimtare. TIRANA TODAY
