Të paktën tetë vetë u vranë dhe 30 u plagosën për shkak të një sulmi vetëvrasës në Pakistan. Ngjarja ndodhi vetëm një javë para Krishtlindjeve, ku dy persona u hodhën në erë në një sulm vetëvrasës, duke shkaktuar viktima të tjera.
Dy gra janë në mesin e viktimave, pas sulmit që ndodhi në një kishë metodiste në qytetin jugperëndimor Quetta në provincën Balochistan, tha sekretari i përgjithshëm i vendit, Akbar Harifal.
Policia shtoi se disa nga të plagosurit janë në gjendje të rëndë, duke rrezikuar rritjen e numrit të viktimave.
Zyrtarët thanë se forcat e sigurisë kapën dhe qëlluan një bombardues, por sulmuesi i dytë arriti të shkonte në hyrjen kryesore të kishës ku hodhi në erë veten.
Ministri i provincës Balochistan, Sarfraz Bugti tha se rreth 250 vetë marrin pjesë zakonisht në kishë të dielave, por numri u rrit në rreth 400, për shkak të afrimit të Krishtlindjes.
“Zoti e parandaloi, nëse terroristët do të kishin sukses në planet e tyre, më shumë se 400 jetë të do të ishin në rrezik”, shkroi ministri.
Asnjë grup nuk e ka marrë përsipër sulmin. Të krishterët përbëjnë rreth 1.6 përqind të 200 milionë njerëzve të Pakistanit dhe janë përballur me kohë me diskriminim – të lënë mënjanë me paga të ulëta.
Së bashku me pakicat e tjera fetare, komuniteti është goditur gjithashtu nga terroristë gjatë viteve.
Në vitin 2016, Lahore pësoi një nga sulmet më vdekjeprurëse të Pakistanit gjatë sezonit të Pashkëve – një bombë vetëvrasëse në një park që vrau më shumë se 70 vetë duke përfshirë shumë fëmijë. TIRANA TODAY
