Pas miratimit të Luçiano Moxhit dhe Mark Iulianos, klubi i Partizanit ka nënshkruar sot me mesfushorin e majtë 19-vjeçar, Alban Sulejmani, duke afruar një element me shumë perspektivë.
Mesfushori i lindur në Kumanovë, vitin e kaluar u transferua nga Renova te Legia e Varshavës. Ai nuk arriti të ambientohej as me ekipin e dytë të klubit polak, as me Pogon Siedlice ku ishte huazuar për disa muaj.
Partizani bëri të ditur se djaloshi ka nënshkruar për katër sezonet e ardhshme, duke konfirmuar se synimin afatgjatë të Partizanit.
Njoftimi i Partizanit
Klubi njofton arritjen e marrëveshjes me Alban Sulejmanin. Mesfushori i talentuar 19-vjeçar, i cili ka qenë pjesë e Legias së Varshavës, ka firmosur sot një kontratë 4-vjeçare me 15 herë kampionët e vendit. Sulejmani. në rolin mesfushor i avancuar. njëkohësisht është edhe kontingjent i përfaqësueses U-21 të Maqedonisë. Prezantimi i Alban Sulejmanit do të bëhet në fillim të javës së ardhshme.
