Uruguai ka mposhtur Arabinë Saudite dhe ka siguruar kualifikimin për në fazën 1/8 të Botërorit. Ishte sulmuesi i Barcelonës, Leuis Suarez ai që shënoi për amerikano-latinët golin e vetëm dhe që i dha tre pikët. Me këtë rezultat feston edhe Rusia, pasi tani matematikisht këto dy ekipe, që kanë pikë të plota pas dy ndeshjeve të para, do të jenë në raundin e ardhshëm, teksa Arabia Saudite dhe Egjipti janë eliminuar.
Ndeshja e fundit mes Rusisë dhe Uruguait do të jetë vetëm për të ndarë vendin e parë për të shmangur ekipet e mëdha në ndeshjet e radhës, ku rusët do të jenë të kënaqur edhe me një barazim falë golavarazhit.
Kundër Arabisë Saudite, që ende nuk e ka gjetur golin e parë në këtë Botëror, Luis Saurez shënoi për Ururguaj, më mesin e pjesës së parë, atë që ishte ndeshja numër 100 me kombëtaren. Sulmuesi i Barcelonës përfitoi nga një dalje e gabuar e portierit Mohammed Al Oëais, gjatë një goditje nga këndi dhe tundi rrjetën me portën e boshatisur.
Ky ishte goli i parë për Suarez në këtë botëror, por duke qenë se ka shënuar edhe në 2010 e 2014, ai bëhet futbollisti i parë në historinë e Uruguajit që shënon gol në tre kampionate botërorë.
