Luis Suarez është personi që po e ndjenë më shumë mungesën e Neymar tek Barcelona. Atij iu largua njeriu asist që kishte në ekip dhe prandaj këtë sezon nuk ka arritur të shënojë shumë gola. Padyshim që kur ikën një lojtarë aq i rëndësishëm nga një ekip, do të ketë skuadra që do ta vuaj mungesën. Por Suarez është rikthyer të flasë për Neymar dhe është shprehur se i mungon braziliani, pasi ishin miq edhe jashtë fushe. Ai ka pohuar se është përpjekur që ti ndryshojë mendje bashkë me Messin, por nuk ia kanë dalë dot. Për diçka është i bindur Suarez, që Neymar nuk ka në plan që të transferohet në Madrid si ç’është folur ditët e fundit.
“Kur largohet një futbollist me karakteristikat dhe cilësitë e Neymar, atëherë skuadra humbet gjithmonë. Duke qenë një sulmues, por edhe një mik i Neymar do të kisha dashur që ta kisha gjithmonë këtu. Ishin momente të vështira, pasi unë e admiroja atë. Unë e doja atë edhe si shok jashtë fushës dhe kjo ndikon. Ne donim që ta bindnim atë të shihte se nuk do të ishte askund tjetër më mirë se këtu me ne dhe se do të mërziteshim për largimin e tij. Por duke ditur që ai është një profesionist, ai kishte eksperiencë të mjaftueshme këtu në europë për të ditur se çfarë vendimi të merrte dhe ne nuk do të influenconim vendimin e tij, sepse ai ishte i bindur për vendimin që do të merrte. Natyrshëm si shoku shokut ne tentuam t’i themi se do të ishte më mirë me ne, por ishte vendimi i tij dhe të gjithë e respektojmë”, tregoi Luis Suarez për “Don Balon”.
Por sulmuesin uruguajan i Barcelonës e ka shumë të qartë fatin dhe të ardhmen e Neymar, pasi ai i ka rrëfyer Pique, kohë përpara transferimit të tij te PSG, se ai do të përfundojë në Premier League. Neymar dëshiron të luajë në futbollin anglez, diçka të cilën ai vetë e ka konfirmuar kur ishte te Barcelona. Reali nuk është mes prioriteteve të tij. Nëse një ofertë e madhe nga Anglia do të mbërrinte, ai nuk do të hezitonte ta pranonte.
