Bayern Munich ka fituar me rezultatin e ngushtë 0-1 në Bundesliga ndaj Stuttgartit. Bavarezët ishin dukshëm më të mirë gjatë gjithë takimit, por në fund rrezikuan të dalin me një pikë. Bayerni me këtë fitore vazhdon shkëputjen në vendin e parë, duke parë që edhe Schalke u ndal në barazim. Goli i vetëm u shënua nga Thomas Muller (79′) pas asistimit nga Coman. Në minutat shtesë Akolo humbi një penallti dhe kështu mundësinë për të barazuar rezultatin. Pas kësaj fitore Bayerni vazhdon në pozitën e parë me 41 pikë, kurse Stuttgarti në vendin e 14 me 17-të pikë. Ndeshja e ardhshme e klubit të Jupp Heynckes është ndaj Leverkusenit.
Ndërsa në ndeshjet e tjera të Bundesligës, Schalke që mbanë vendin e dytë u ndal në barazim 2-2 në transfertën e Eintracht Frankfurt. Pas disavantazhit të dy golave, Schalke gjen forcën dhe në fundin e takimit arrin ta mbyllë 2-2. Barazim tjetër me shumë gola kishte edhe në ndeshjen Augsburg-Freiburg, e cila u mbyll 3-3. Wolsburg ka dështuar në transfertën me Koln, ku është mposhtur me rezultatin e ngushtë 1-0. Werder Bremen kishte gjithçka nën kontroll pasi që në fillimin e pjesës së parë ishte në avantazhin e dy golave, por në të dytën Mainz bën një ndeshje të madhe dhe arrin ta mbyllë 2-2 në sekondat e fundit. Ndërsa Dortmund do të presë në shtëpi Hoffenheimin për të dëshmuar se ata janë kthyer dhe do të synojnë fitoren, por është një ndeshje mjaft delikate.
