Gjashtë persona kanë humbur jetën në Gjermani si pasojë e uraganit Xavier, i cili goditi veriun dhe perëndimin e vendit.
Viktimat humbën jetën teksa u goditën nga pemët e thyera. Këto të fundit ranë edhe mbi binarët e trenave, duke shkaktuar bllokimin e lëvizjes së trenave sidomos në të gjithë veriun, sidomos në linjat mes Hamburgut dhe Berlinit.
Erërat e stuhisë arritën shpejtësinë deri në 140km/h në veri, ku zonat më të goditura janë Brandeburgo, Meclemburgo-Pomerania dhe Hamburgu, gjithashtu edhe kryeqyteti i vendit.
E njëjta situatë është edhe në Berlin, ku erërat e fuqishme kanë shkaktuar dëme të mëdha ku shumë pemë janë thyer duke shkaktuar mbylljen dhe bllokimin e shumë rrugëve.
Policia ka urdhëruar popullsinë lokale të qëndrojë në shtëpi.
Aeroporti berlinez i Tegel dhe Schoenefeld ka nisur në mbrëmje procedurat për t’u dhënë mundësi pasagjerëve të bllokuar në aeroport të nisin lëvizjet e tyre.
