Kur adoleshentja amerikane Abby Sunderland u shpëtua nga Oqeani Indian vite më parë, ajo mendonte se nuk do ta shihte më kurrë anijen e saj. Por, e pabesueshmja ndodhi për të.
Në vitin 2010, Sunderland vendosi të ndërmerrte një udhëtim përreth botës. Ishte vetëm 16-vjeçe kur adoleshentja shpresonte të thyente rekordin dhe të bëhej njeriu më i ri, e cila lundron vetëm.
Por, si pasojë e një stuhie të fuqishme, ajo u detyrua ta braktiste anijen e saj, “Wild Eyes”, të cilës iu thyen velat. Amerikania u shpëtua nga një anije peshkimi franceze, midis Madagaskarit dhe brigjeve perëndimore të Australisë.
Por, më shumë se 8 vite më parë, në 31 dhjetor të 2018-ës, një aeroplan vuri re një anije të përmbysur në brigjet e Ishullit Kangaroo, Australi.
Pas dërgimit të një helikopteri të policisë dhe dy anijeve, u pa që anija ishte pikërisht “Wild Eyes”.
Sunderland, tani 25 vjeçe tha për mediat se gjithçka i dukej e pabesueshme.
“Më ndaloi zemra kur e mora vesh që ishte gjetur anija. Më solli në memorie shumë kujtime të mira dhe jo shumë të këndshme. Por, është e jashtëzakonshme që po e shoh përsëri, pas kaq shumë kohësh.”
Ndërkohë, në vitin 2010, kur edhe e braktisi anijen, e reja shkruante se nuk besonte se do të gjendej përsëri.
“Do të jetë shumë me fat nëse do të arrijë të dalë në breg dhe të mos bëhet copa nga gurët apo goditje të tjera. Edhe pse unë uroj dhe shpresoj që ajo të gjendet dhe të rregullohet, është e pamundur që kjo gjë të ndodhë.” Përshtati: Tirana Today, Burimi: CNN
