Një stuhi e fuqishme ka përfshirë verilindjen e Amerikës, duke shkaktuar të paktën 5 viktima dhe duke bërë që të anulohen më shumë se 3.300 fluturime. Po ashtu, kjo stuhi ka lënë më shumë se 1 milion persona pa energji elektrike, më shumë se 440 mijë në Masaçusets, më shumë se 300 mijë në Virxhinia dhe në Washington më shumë se 154 mijë.
Stuhia pritet të mos qetësohet deri në mesditën e së dielës. Baticat e larta përmbytën Bostonin dhe qytete të tjera, duke shkaktuar tjetër përmbytje masive që nga fillimi I janarit. Rojet kombëtare shpëtuan 50 persona nga shtëpitë e tyre, që ishin përmbytur tashmë.
“Jam me fat që shpëtova. I gjithë bodrumi ynë është rreth 6 metra nën ujë”, tha një qytetare.
Kurt Schwartz, drejtor i Agjencisë për Menaxhimin e Emergjencave në Masaçusets tha në një konferencë për shtyp se njerëzit duhet të planifikojnë një evakuim të gjatë, pasi kjo ngjarje kërkon një restaurim shumëditor.
Stuhia u kthye në një “ciklon bombë” kur ndodhën të ashtuquajturat ‘bombogjeneza’, të sinjalizuar nga një rënie ekstreme në presionin atmosferik. TIRANA TODAY
