Shkencëtarët deklarojnë se cunami i fuqishëm që goditi Kinën 1000 vjet më parë do të godas sërish. U deshën plot 500 vite që qytetet kineze të merrnin veten nga goditjet e forta, por sot rrezikohen të gjitha qytetet në bregun jugor të Kinës.
Akademikët që kryen studimin, i kanë bërë thirrje qeverisë kineze që të planifikojë goditjen e ardhshme të cunamit, sepse nuk ka asgjë që ndalon katastrofën natyrore.
“Ky studim konfirmon rrezikun e cunamit në Detin e Kinës Jugore” shkruhet në buletinin e shkencave kineze .
“Rreziqet e tilla duhet të merren parasysh në planin dhe ndërtimin e ardhshëm të centraleve bërthamore, porteve dhe rezervave të naftës kur flitet për brigjet e Kinës“.
Studimi u krye nga një ekip në Universitetin e Shkencave dhe Teknologjisë së Kinës dhe Universitetit Normal të Kinës Lindore. Ky studim mori shumë vite hulumtim në terren, duke u udhëhequr nga Sun Liguang dhe Xie Zhouqing.
Studiuesit dolën në përfundimin se cunami erdhi në Detin e Kinës Jugore dhe goditi bregun në pikën AD1076.
Dëshmia e kësaj dallge gjigante u zbulua për herë të parë në vitin 2013 në ishullin Dongdao në arkipelagun Xisha.
Koralet dhe shkëmbinjtë ishin varrosur në shtratin e detit 200 metra nga bregu, distanca që mund të kishte shkaktuar vetëm një cunami.
“The Sun” shkruan se këto gjetje kanë inkurajuar qeverinë kineze për të ndërmarrë veprimet e duhura, duke përfshirë planin për të ndërtimin e një sistemi paralajmërues për cunamit.
Një sinjalizues pluskues u instalua pranë kanalit të manilas në Detin e Kinës Jugore vitin e kaluar. Pajisja vëzhgon sinjalet e baticave, duke njoftuar departamentin e mbrojtjes së tokës prej cunameve.
Kompania e prodhimit të energjisë bërthamore “Fuqing” po përgatitet që të ndërtuar një reaktor në provincën bregdetare Fujian, territor që mund të goditet shumë lehtë nga cunami.
Menaxheri i përgjithshëm i kompanisë Chen Gucai tha: “Hualong është një reaktor bërthamor i cili ka një dizajn unik të dyfishtë.”
“Mburoja e brendshme kryesisht mbron dhe vulos tërë ndërtesën mbrojtëse, duke siguruar që nuk do të ketë rrjedhje radioaktive në situata të ngjashme me fatkeqësinë e Fukushimës.
“Mburoja e jashtme është mjaft e fuqishme aq sa për të përballuar përplasjen e një avioni.” TIRANA TODAY
