Riprodhimi biologjik te meshkujt kërcënohet rëndë nga ngrohja globale. Ky është alarmi që së fundi është ngritur nga ekspertët. Sipas tyre, rreziku është i shtuar duke kombinuar dhe faktorët e tjerë mjedisorë si smogu, kimikatet dhe radiacioni.
Rritja mesatare e temperaturave dëmton më shumë meshkujt sesa femrat. Në mbreterinë e kafshëve ky fenomen madje ka përgjysuar fertilitetin. Kjo për arsye se spermatozoidët janë më të ndjeshëm ndaj të nxehtit. Për më tepër, ekspozimi për një kohë të gjatë në këto temperatura lë pasoja përgjatë gjithë jetës. Sidomos, nëse mashkulli është në fazë zhvillimi.
Ndikim të drejtepërdrejtë ka pasur edhe ushqimi që konsumojmë. Sipas statistikave, ne vit njeriu gëlltit të paktën 250 gr pesticide e mikroplastika e substanca kimike.
Në vendin fqinj Itali, në vitin 2018 janë regjistruar 439 797 lindje, duke shënuar pikën më të ulët që nga krijimi i shtetit Italian. Sipas të dhënave të andrologëve, numri i spermatozoidëve tek meshkujt sot, është përgjysmuar në krahasim me 40 vjet më parë.
Pra, qelizat riprodhuese mashkullore sot janë më të pakta, dhe kanë shumë më tepër vështirësi për të pllenuar vezën femër.
