Një studim paraprak laboratorik ka treguar se nivelet e antitrupave neutralizues të Omicron te njerëzit e vaksinuar me vaksinën ruse Sputnik V, nuk ranë aq shumë sa tek ata që morën injeksione Pfizer. Studimi i përbashkët ruso-italian, i financuar nga Fondi Rus i Investimeve Direkte, që tregton Sputnik V jashtë vendit, krahasoi të dhënat e njerëzve që kishin marrë vaksina të ndryshme.
Studimi paraprak u krye nga shkencëtarët nga Instituti Spallanzani në Itali dhe Instituti Gamaleya në Moskë, zhvilluesi i vaksinës Sputnik V. Studiuesit thanë se mostrat e marra tre deri në gjashtë muaj pas dozës së dytë të një vaksine kanë treguar se nivelet e antitrupave në marrësit e dy dozave të Sputnik V ishin më rezistente ndaj Omicron sesa në ata të vaksinuar me Pfizer. Ai përfshinte 51 persona të vaksinuar me Sputnik V dhe 17 pas dy injeksioneve të vaksinës Pfizer.
Studimi, që do të kërkojë certifikim, tregoi se antitrupat neutralizues specifikë të Omicron u zbuluan në gjakun e 74.2% të njerëzve të vaksinuar me Sputnik V dhe në 56.9% të atyre të vaksinuar me Pfizer/BioNtech. Një studim paraprak i mëparshëm nga Instituti Gamaleya, tregoi se një vaksinë përforcuese e Sputnik Light siguroi një përgjigje më të fortë antitrupash kundër Omicron, sesa vetëm vaksina Sputnik V me dy doza./ SCAN
