Një studim i bërë nga Universiteti i Kalifornisë Jugore në Amerikë, flet për të mirat e agjërimit dhe si ndihmon në luftimin e sëmundjeve dhe forcimin e sistemit imunitar.
Shpesh përdoret si metodë e shpejtë e humbjes së peshës, por agjërimi mund të ndihmojë trupin në luftimin e sëmundjeve.
Qëndrimi pa ushqim gjatë ditës si dhe ngrënia e vetëm dy vakteve, mund të rigjenerojë sistemin imunitet, duke e ndihmuar trupin në luftimin e infeksioneve.
Këto janë gjetjen e një studimi të ri të bërë nga shkencëtarët në Universitetin e Kalifornisë Jugore.
Sipas tyre, gjetjet mund t’u vijnë në ndihmë sidomos të moshuarve dhe njerëzve që vuajnë nga sistemi i dobët imunitar, siç janë pacientët që vuajnë nga kanceri.
Hulumtuesit testuan efektet e agjërimit për periudha dy deri në katër ditë, gjatë gjashtë muajve tek minjtë dhe njerëzit.
Në të dyja rastet, u re se pas çdo cikël agjërimi, u rigjeneronin qelizat e bardha të gjakut, duke bërë të mundur forcimin e sistemit imunitar.
Valter Longo, profesor i Gerontologjisë dhe Shkencave Biologjike në Universitetin e Kalifornisë Jugore, tha: ” Agjërimi rigjeneron qelizat si dhe ndihmon në forcimin e sistemit imunitar. Gjithashtu gjatë agjërimit trupi pastrohet nga qelizat e vdekura dhe shërohen shumë sëmundje. Nëse keni një sistem imunitar të lodhur nga kimioterapia ose plakja, është momenti që të agjëroni për të pasur një sistem të ri imunitar”.
Studimi gjithashtu zbuloi se agjërimi redukton nivelet e enzimës PKA, që ndikon në jetëgjatësi, si dhe nivelet e hormonit IGF-1, i cili ndikon në plakje.
“Ndërsa kimioterapia shpëton jetë, ajo shkakton dëme të mëdha në sistemin imunitar. Rezultatet e këtij studimi tregojnë se agjërimi mund të zbusë disa nga efektet e dëmshme të kimioterapisë, “tha Tanya Dorff, profesore e mjekësisë klinike në Universitetin e Kalifornisë Jugore./Përshtati: Tirana Today/
