Faktorët që kërcënojnë sigurinë në botë perceptohet të jenë kryesisht ndryshimet klimaterike dhe ISIS. Kurse kërcënimi më i madh bazuar në anketën e bërë në Turqi, shikohet të jenë politikat e SHBA.
Instituti i kërkimeve PEW, në anketën e zhvilluar, bëri hulumtime në perceptimin e rrezikut të opinionit publik nëpër botë. Anketa që instituti realizoj me pjesëmarrjen e 42 mijë personave në 38 vende të botës, arriti në përfundimin se faktorët që perceptohen si kërcënim parësor në botë janë ngrohja globale dhe ISIS. Vendet që ndryshimet klimaterike i shikojnë si rrezikun më të madh, kryesohen nga Spanja me 89%, duke besuar se burimi i këtij shqetësimi janë kryesisht vendet Afrikane dhe Amerika Jugore.
Sipas anketës 77% e Gjermanëve janë të mendimit se rreziku më i madh që kërcënon sigurinë janë para militantët terrorist të ISIS. Në vend të dytë me 66% vijnë sulmet kibernetike dhe në vend të tretë me 63% janë ndryshimet klimaterike.
Renditja e kërcënimeve ndryshon sipas vendeve. Kështu që perceptimi i rrezikut në Turqi është e ndryshme nga mesatarja në botë. Sipas anketës 72% e të anketuarve në Turqi si kërcënimin më të madh shikojnë politikat e SHBA dhe efektet e tyre.
Kurse 88% e Grekëve dhe 56% e Venezuelasve më shumë i shqetëson situata e ekonomisë botërore. Dy të tretat e Polonezëve dhe Hungarezëve si burim shqetësues shikojnë emigrimet nga vendet si Siria dhe Iraku drejt Evropës.
