Ndryshimet klimatike do të rrisin ndjeshëm frekuencën e valëve të nxehta vdekjeprurëse, edhe nëse njerëzimi kapërcen ngrohjen globale në dy gradë Celsius (3,6 gradë Fahrenheit), qëllimi kryesor i marrëveshjes së Parisit, thonë shkencëtarët.
Përmbushja e premtimit prej 196 vendeve, deri në vitin 2100, ende gati gjysmën e popullsisë së botës janë të ekspozuar së paku një herë në vit në periudha të nxehta dhe në lagështi të cilët kanë rezultuar vdekjeprurëse në të kaluarën, raportohet në revistën Nature Climate Change.
Sipas një skenari “të zakonshëm”, në të cilin gazrat serë vazhdojnë të derdhen në atmosferë me normat aktuale, tre të katërtat e njerëzimit do të përballen çdo vit me atë që studiuesit e quajnë “ngjarje vdekjeprurëse”.
“Ne kemi gjetur se valët vdekjeprurëse në mbarë botën po bëhen gjithnjë e më të zakonshme dhe se kjo prirje tashmë duket e pashmangshme”, tha Camilo Mora, profesor në Universitetin e Havai dhe autor kryesor i studimit.
“Edhe nëse ne i bëjmë më mirë objektivat e Parisit, popullsia e ekspozuar ndaj nxehtësisë vdekjeprurëse do të jetë rreth 50 për qind deri në 2100”, tha ai për AFP.
Tashmë sot, 30 për qind e banorëve të Tokës ndeshen me stuhi super të nxehta në një pikë të vitit.
Që nga fillimi i shekullit 21, valët e nxehtësisë kanë marrë dhjetëra mijëra jetë, madje edhe në vendet më të mira të pajisura për t’i ndihmuar qytetarët e tyre të përballojnë nxehtësinë. Në Evropën Perëndimore, për shembull, kishte më shumë se 70,000 vdekje mbi normalen gjatë verës së ashpër të vitit 2003.
Në të ardhmen, tropikët do të goditen më së shumti, sipas studimit, i cili parashikon, nga viti në vit për çdo kilometër katror në Tokë, numrin e “ditëve vdekjeprurëse” nën tre skenarë të ndryshëm të ndotjes së karbonit të parashtruara nga Paneli Ndërqeveritar mbi Ndryshimet Klimatike (IPCC) i OKB-së. (TIRANA TODAY)
