Prej dy ditësh, studentët kanë ngritur një Shqipëri të tërë në këmbë. Protesta e cila mori përmasa të mëdha, pati një mbështetje edhe nga faktori politik, ndonëse ata paralajmëruan se politikanët nuk i donin mes tyre.
Tirana ka gëluar nga protestat masive të studentëve, teksa kanë kundërshtuar rritjen e tarifave dhe kushtet e vështira në konvikte. Një moment pikant i protestës ishin edhe pankartat e mesazhet e zgjedhura me të cilat përçonin mesazhet për “ngelësit” që protestojnë.
Dje u veçua pankarta ku shkruhej: Ngelësit që i kërkon Gjermania!
Vajza që e shkroi është Inva Mamica, një studente e Mjekësisë. Përmes një statusi në rrjetet sociale, studentja tregon arsyet pse përcolli një mesazh të tillë. Ajo citon se përparësja që mbajnë, nuk përfaqëson më mjekësinë, por ikjen. Studentja paralajmëron se askush nuk do ta ndalë.
Kësaj here do protestojë me një pankartë tjetër, për një arsimim më dinjitoz.
