Vijon protesta e studentëve, të cilët kërkojnë plotësimin e 8 kërkesave përpara Kryeministrisë. Sot edhe studentët e rretheve u janë bashkuar atyre të Tiranës, ndërsa disa prej tyre e kanë marrë fjalën për të folur lidhur me kërkesat e panegociueshme për Kryeministrin.
Një ndër studentët që mori fjalën ishte një student i verbër, i cili i kërkoi Ramës të mos bëjë më propagandë dhe show.
“Me këtë arsim që kemi ne sot, i bie të rrimë pa shkollë, por të gjithë bashkë më të bashkuar se kurrë nuk duhet ta lëmë atë me dinakëritë e veta që të na përçajë. Duke dashur mos t’i dal përballë, jo nga frika e përballjes por se nuk dua , dua thjesht t’i bëj një pyetje kryeministrit.
Ku ndryshon dialogu nga negociata, përpos propagandës që bën ti. Është turp për ty që vazhdon me show. Të të vijë zorr që je në kryeministri, por ti e ndjen që po të merret fryma e po të ikën zëri,” tha ai.
