Sikundër ishte lajmëruar edhe më herët, mesditën e sotme me mijëra studentë kanë nisur marshimin drejt Ministrisë së Arsimit.
Siç duken qartë edhe nga pamjet, kjo e fundit ka marrë masa të shtuara, duke u rrethuar me kordonë policie. Për të shmangur ndonjë incident, godina e ministrisë është “blinduar” me policë.
Të rinjtë kërkojnë përmirësimin e kushteve në konvikte, ulja e tarifave të shkollimit, anulim të vendimit numër 288 që parashikon tarifë shtesë për provimet e mbartura, si dhe shlyerjen e detyrimit vjetor përmes kësteve, pa cënuar sezonin e provimeve.
