Ndonëse sot festohen Krishtlindjet, studentët kanë dalë sërish para Kryeministrisë, ku i kanë lënë një dhuratë simbolike kryeministrit Rama. Pavarësisht se shumica prej tyre kanë ikur për të festuar pranë familjeve të tyre, një grup studentash kanë vendosur që ti dërgojnë Ramës një palë pantallona, dhe Kushtetutën e vendit.
“Të kemi bërë dhuratë një palë pantallona, që t’i veshësh dhe të jesh më serioz, Kushtetutën e vendit që ta respektosh. Donim të të blinim edhe një palë këpucë që t’i të mos veshësh më atlete, por nuk kishim shumë lekë”, shprehen studentët.
Të rinjtë kanë apeluar edhe më herët se do ti rikthehen protestave, deri në plotësimin e 8 kërkesave të tyre.
