Studentët e universitetit «Luigj Gurakuqi» në Shkodër kanë vendosur t’u bashkohen studentëve që qëndrojnë para Kryeministrisë.
Nisja do të bëhet çdo ditë ne orën 9:00 tek teatri “Migjeni”,ndërsa studentët u bëjnë thirrje qytetarëve që t’i ndihmojnë me shuma monetare për transportin në Tiranë.
Edhe nga rrethet e tjera, si Elbasani, Korça, Lezha dhe Gjirokastra, dhjetëra studentë në grupe janë nisur drejt kryeqytetit, ku do t’u bashkohen bashkëmoshatarëve të tyre, teksa kërkojnë plotësimin e 8 pikave të parashtruara më herët.
Ndërkohë, nga Lezha është nisur një grup studentësh në shenjë protestë, të cilët pritet t’u bashkohen studentëve në Tiranë.
