Studentët shqiptarë po kërkojnë të mësojnë gjuhën gjermane me shpresë për një jetë më të mirë .
“Arsyeja është e thjeshtë, du të ikin në Gjermani, sepse puna e tyre paguhet dhe vlerësohet më shumë atje”, shprehet Eriola Bulku e cila ka dy vite që ka mbaruar studimet për Infermieri të Përgjithshme, dhe prej 1 viti e gjysmë është në marrëdhënie pune, shkruan “Vizion plus”pas një interviste.
Kjo nuk e ka penguar që të ndjekë kursin e gjuhës gjermane dhe tashmë po pret vetëm vizën nga ambasada, për t’u larguar nga Shqipëria.
Por degët e mjekësisë, nuk janë të vetmet që po dërgojnë studentë dhe profesionistë në shtetin gjerman. Gjithashtu, koordinatorë të qendrave të gjuhëve të huaja në Tiranë, shprehen se gjermanishtja është gjuha me e preferuara kohëte fundit pasi të gjithë kanë shpresë se do ikin dhe do gjenë ndonjë punë.
Gjermania përbën aktualisht një nga tregjet më të mëdha në Evropë me mundësi të lartë punësimi, sidomos për infermierë, fizioterapistë dhe degë të tjera që lidhen me përkujdesjen shëndetësore.
