Një grup studentësh duket se janë të vendosur për t’i shkuar deri në fund kauzës së tyre. Ditën e sotme ka pasur sërish tensione në Fakultetin e Ekonomikut, ku studentët kanë bllokuar derën kryesore si dhe kanë nxjerrë jashtë punonjësit e administratës.
Ata kanë vënë karrige në derën kryesore si një formë për të bojkotuar zhvillimin e mësimit.
Gjithashtu studentët e fakultetit të Ekonomisë kanë publikuar të dhënat në lidhje me një votim që kanë kryer, teksa nënvizohet se shumica dërrmuese e tyre vijojnë qëndresën, ndërsa një pjesë e vogël ka zgjedhur si alternativë për të vijuar mësimin.
