Pas skadimit të afatit që studentët i kishin vendosur kryeministrit, të rinjtë janë drejtuar drejt kryqëzimit te Zogu i Zi.
Studentët kanë ndezur dritat e celularëve dhe kanë thënë se do të bllokojnë rrugët kryesore të vendit duke çuar në një kaos të madh.
Studentët po marshojnë drejt Zogut të Zi, por një pjesë e tyre qëndrojnë para Ministrisë së Arsimit.
Pas një komunikimi që studentet kanë pasur me njëri-tjetrin, për të shkuar drejt kryeministrisë apo për të qëndruar tek Ministria, ata nuk kanë rënë dakord, dhe kanë vendosur që ta përshkallëzojnë protestën duke u ndarë në dy grupe, ku ata që po shkojnë drejt Zogut të Zi, do të bllokojnë rrugën.
