Ndonëse u përball me refuzimin e Salianjit për të folur në foltore, Rama e mori fjalën duke folur për protestën. Ai tha se protesta e studentëve merr zgjidhje vetëm nëpërmjet dialogut.
“E para, protesta i dha një shuplakë qeverisë. Protesta e studentëve i dha një grusht opozitës.
Protesta i dha një shpresë shoqërisë. Shoqëria kërkon zgjidhje, dhe nuk mund ta pranojë se mund të vijnë porosi nga Kryemadhi, apo profesor qorri”, tha Rama.
Në vazhdën e akuzave, ai sulmoi haptazi opozitën.
“Adashi im me mbiemër, Rama Luan, tha që studentët kanë të drejtë të na nxjerrin të gjithëve jashtë.
Ndërkohë juve ju kanë nxjerrë jashtë. U detyruat që të hidheni jashtë. Për të mos humbur kohë, së pari dje janë formuar edhe organet e drejtësisë së re (KLP dhe KLGJ), pasi u emërua dhe KLD.
Sa i përket propozimit të këtyre, nuk është çështje buxheti dhe proceduriale, por janë të refuzuar. Sepse janë propozime të bëra për të mos u bërë kurrë. Tani leximi im i protestës së studentëve. Protesta i dha një shuplakë qeverisë. Një grusht opozitës dhe e treta, protesta i dha një shpresë shoqërisë”, tha Rama.
