Strategjia e United, ofron Mkhitaryan për ti rrëmbyer yllin Juventusit

Manchester United është i gatshëm t’i ofrojë Henrikh Mkhitaryan Juventusit si pjesë e ofertës së tyre për të nënshkruar me mbrojtësin Alex Sandro. Mendohet se United do të jetë i gatshëm që të ofrojë 60 milion euro për të arritur mbrojtësin e Juventusit, pasi në garë duhet të mposhtë edhe interesimin e Chelsea.

Pista e re për të arritur të bindë drejtuesit italianë për këtë transferim është përfshirja e mesfushorit armen, Mkhitaryan, i cili prej disa javësh nuk starton një sfidë dhe duket se nuk do të jetë në planet e Jose Mourinho. Por kërkesa e Juves pritet të jetë tjetër, ata do të kërkojnë në marrëveshje Daley Blind, i cili është dhe objektiv i Barcelonës për merkaton e janarit. Por ofertat për Mkhitaryan janë shumta pasi atë e kërkon Interi dhe së fundmi Dortmund kërkon ta rikthejë atë në ekip.